فلسطين

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
؛؛؛؛؛؛؛؛؛؛؛

ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
؛؛؛؛؛؛؛؛؛؛؛

فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و ذبح صبيان و بنات
و عجز على امرها مغلوب
؛؛؛؛؛؛؛؛؛؛؛

مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه الغربية و بغزة الأبية
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده وهي
؛؛؛؛؛؛؛؛؛؛؛
بدنا نعيش

ابداع عانق الخيال
حروف نسجت الرقى خيطا خيطا
فرسمت لنا لوحة بديعة وراقية حد المتعة
سهم النار احييك
واحييى عيناك وزوقك العالى
حين استعذبت لنا تلك المعزوفة الراقية
احترامى
اختك
عااشقة

لقد ابدع قلمك

و نثر معاناة شعب

لحد الان يعاني

فشكرا لك اخي

و تأكد ان فلسطين

تفتخر انك احد ابنائها


اتمنى لك مزيدا من الابداع و التميز


دمت لنا ولمن تحب بكل خير


تقبل مروري


هموسةْ~