الامتحانات.. فش وقت..

السلام عليكم
كيفكم يا جماعة الخير؟ كلو تمام؟
شو شعورك لما تكون عارف تحل كل الاسالة بالامتحان.. بس مع ذلك فش وقت!!
طبعا مش لانك انته بطيء او شي.. بس لانو هيك العرف.. الطالب مش لازم يلحق يحل كل الاسالة حتى لو بروفيسور قاعد مكان مخو!
والله تعبت.. بالاضافة لهيك الاسالة صعبة بتخليك بتفكر انك بتمتحن مادة تانية!! يعني بدها تفكير وتدقيق وتمحيص.. يعني بدها وقت!! بس فش وقت..
يعني انا بدي اشخر واقول...
ليش هيك يا بروفيسور!! وين الفكرة بانو ما في وقت.. ولا لازم ما حد يجيب درجة منيحة بعدين تحملنا جميلة بال(كيرف اب) تبعك..
يعني بالشغل مش راح يجي مديرك يقولك معك نص ساعة يا بتكمل هالشغلة يا بطخك وبطردك من الشغل.. لانو الاشياء بدها وقت.. بس فش وقت..
بعدين ليش يا بروفيسور بتتفلسف بالاسالة؟! بيكفي انو المادة نفسها شحموصية (فيها مليون ملعوب وملعوب) وصار الواحد منزل 4 جيجا كتب!! ..
اي هو احنا في ماراثون ولا في امتحان؟؟

وبعدين ليش يا بروفسور شكلك زي دكتور رامي اللي بعدنان ولينا وراسك في شرخ هيك؟! معقول انك منغولي؟

يعني انا من كتر ما المادة كبيرة صرت بدي اشيل الويندوز واشتغل على الدوس عشان اخلي مساحة للكتب..

دعواتكم يا جماعة الخير.. بعد ما الواحد كان شغلتو يجيب درجات.. صارت حلمو بس ينجح بالامتحان.. اشي بيخجل..
سلام